Hemendik aurrera zuen txanda

Udaberriarekin batera Eskutartie Bilbora heltzen da. Aurten, Udaberriko Artisau Azoka horrek zazpi urte beteko ditu eta, aurrekoak bezala, zazpigarren edizio hau Arbasok, Euskal Herriko Artisautza Tradizionala Bizkortzeko Elkarteak, antolatu du. Apirilaren 7tik 17ra arte izango da, Bilboko Areatza pasealekuan.

Eskutartiek Udaberriko egutegian lekua dauka jada eta, bereziki, Bilboko Aste Santuko jaiegunetan. Ezinbesteko topaketa da artisautza bizirik dagoen sektorea dela egiaztatzeko, baita tradizioz, lanbidez onez eta trebetasunez beteta iristen dela erakusteko ere.

Arbasoren esanetan “gure herriaren balioak bultzatzeko eta garapen ekonomikoa sustatzeko modu bat ere bada, eta galtzen ari diren ogibideak bizi-iraunarazteko. Hartara, ekimen honen inguruan, Euskal Herrietako artisautzaren eta antzinako lanbideen gailenak batuko dira”.

Bilboko Eskutartiek 35 artisau bilduko ditu Bilboko bihotzean. Euskal Herriko herrialde guztietatik etorriko dira, baita Espainiako hainbat herrialdetatik ere. Hain zuzen ere parte hartuko duten 35 artisau horietatik 16 bizkaitarrak izango dira, 10 gipuzkoarrak eta 3 nafarrak. Beste lurraldetatik etorriko direnen zerrenda honako hauek osatuko dute: Catalunyatik bi, Madrildik bat, Valentziatik bat, Kantabriatik bat eta Tenerifetik beste espezialista bat.

Sektorekako ordezkaritzari dagokionez, honakoak izango dira: 8 bitxigile, beira lantzen duten bi artisau, ehuna aritzen diren hiru profesional, bostek zura lantzen dutena, bi larru-artisau eta beste bik kosmetika egiten dutena. Zeramika arloak hiru profesional izango ditu. Gipuzkoatik etorritako makila egiten dituen artisau bat ere izango dira, eta argizarigintzan diharduten beste bi, eta harrigintza diharduen beste bat izango da. Azokan ere panpingintzak eta modelatuak artisau bana izango dute. Halaber Bizkaiko otzaragintza espezialista nagusia ere izango da. Noski, Eskutartien ez direla falta izango elikagaiak, guztira honako hiru hauek izango dira, garrapinatuak, txokolatea eta yogurtak egiten dituztenak.